Quizizz.com - spurningaleikur

Var að skoða spurningaleikinn Quizizz (sem Svava setti inn á sameiginlega pinterestborðið Samspil2015)  sem er svipaður og Kahoot nema að í þessum spurningaleik er hægt að láta spilara sjá bæði spurningu og svör á sínum tækjum. Prófaði að gera stuttan spurningaleik og fékk stelpurnar mínar til að prófa hann og fannst þeim það æðislegt. Sé fyrir  mér að hægt sé að gera spurningakeppni á milli skóla og bekkja innan skólans.

Tynker - forritun

Góðan daginn
Ég rakst á forritið Tynker um daginn og sýnist að það geti verið skemmtilegt að kenna þetta á yngsta stigi í forritun. Held að ég setji þetta inn á áætlun hjá mér í haust.

Skýjalausnir - 25. mars 2015

Vefnámskeiðið Skýjalausnir kom mér skemmtilega á óvart. Það hvernig hægt er að skipuleggja skólastarfið á skýi finnst mér alveg brilljant/frábært, það að fara í gegnum námskeiðið þá kom alltaf annað slagið umm, já þetta getum við notað, þetta er frábært! o.s.frv.
Ég myndi telja að það þyrfti að fá kynningu á þessu í hverjum skóla!
Ég segi bara áfram svona...

ZONDLE

Í vetur rakst ég á forritið Zondle sem er skólaumhverfi þar sem námið fer fram í gegnum tölvuleiki. Þú getur innskráð þig sem kennari, nemandi eða foreldri. Sem kennari getur þú skráð inn bekkinn þinn og búið til verkefni sem nemandinn vinnur síðan í gegnum leik. Nemendur geta valið úr nokkrum leikjum þannig að þeir þurfa ekki allir að vera í sama leiknum en gera samt sama verkefnið, bara skemmtilegt, allavega fannst mínum nemendum skemmtilegt að vinna þessi verkefni. Nemendur geta líka búið til sína eigin leiki og leikið í leikjum annarra nemenda.
Í kennaraaðganginum sér kennarinn árangur nemenda í hverjum leik, hversu oft nemandinn hefur leikið leikinn og hvaða spurningar eru erfiðari en aðrar.
Mjög gott verkfæri fyrir kennara á yngsta og miðstigi...

Eitt af því nýjasta í Zondle er Zondle challange, það er svipað og Kahoot en mér finnst það samt betra að því leiti að í Zondle geta nemendur séð spurninguna og svörin á tækjunum sínum en ekki í Kahoot. Það gerir kennurum kleift að spila saman á milli skóla á rauntíma.

Thinklink

Góðan daginn
Ég var að skoða forritið Thinklink. Þetta er ótrúlega einfalt og skemmtilegt forrit og hægt er að nota það í kennslu. Það er hægt að búa til hópa og bjóða inn með lykilorði sem þeir láta í té. Í þessu forriti geta nemendur/kennari sett inn slóðir á mismunandi staði á myndir til útskýringar eða sem spurningar.

Útspil - Bolungarvík 10. apríl

Útspil var hjá okkur Í Bolungarvík í dag. Það var einkar fróðlegt, við kynntumst titanpad, kahoot, twitter, TveetDeck, instagram og padlet svo eitthvað sé nefnt.
Ég hef kynnst kahoot og finnst það skemmtilegt forrit, það gefur góða notkunarmöguleika í kennslu.Nemendum finnst mjög skemmtilegt að búa til spurningar og að fara í spurningarleikinn.
Ég hef einnig kynnst padlet sem er korktafla sem hægt er að nota í kennslu, samvinnuverkefni á milli nemenda þar sem nemendur geta unnið ýmis verkefni sem ekki krefjast mikils texta en hægt er að setja inn bæði myndir og myndbönd.

Classkick og nearpod

Í morgun prófaði ég forritin Nearpod og Classkick með nemendum. Ég hafði áður verið að prófa að gera verkefni í báðum forritunum til að sýna nemendum mínum. Mér persónulega fannst Nearpot vera frekar þungt í vöfum og erfitt að átta mig á því og eins fannst nemendum mínum.
En í Classkick gerði ég stærðfræðikennslustund og fannst bæði mér og nemendum mínum gaman að vinna í því og ætlum að gera aðra tilraun á morgun. Nemendur komu með sín snjalltæki í skólan. Það eina sem mér finnst í bili um Classkick er að það er eingöngu hægt að nota á ipad, hefði gjarnan viljað að það væri hægt að nota önnur snjalltæki þar sem skólinn á engin.